原來而家啲後生會撇除量詞, 直接了當稱呼呢類極度睇唔過眼嘅賤種為 " 垃 ! 圾 ! ", 唔係垃圾係 " 垃~ ! 圾~ ! " , 要用充滿憤怒、仇恨、傲慢、抱怨同失望嘅語調讀出, 我練過好多次都發唔到力, 模仿唔到後生仔咬牙切齒嗰個 tone.
前日喺 office 比個大肚婆向住我咆哮 : " 垃~ ! 圾~ ! ", 佢唔係話我, 佢係極度憤怒地同我控訴緊 🐀 點賤. 近期疫情告急, 政府呼籲在家工作, 🐀 立即跟隨 ! 不過唔係office 係佢自己, 自稱家人外地到港所以要一齊家居隔離 14 天 😤.
🐀 曾經話過員工如要家居隔離, 要用自己 compensation leave, annual leave 或 no pay leave 抵銷. 咁今次輪到自己隔離, 佢 PA 幫佢 apply annual leave 結果比 🐀 剷到上天, 話佢隔離但會 WFH 唔需要攞任何 leave ! 雙重標準囉 , 你話條友唔係 " 垃~ ! 圾~ ! " 係乜 ?!
自己呢埋避疫, 全體員工就要上班, 但皇恩浩蕩批准返 10am - 4pm ( 上週 only, 今週再 review ). 話雖如此, office 兩個大肚婆仍然非常憂心, 同 HR Director 反映, 點知條廢柴廢到一個點, 叫佢哋自己去同 🐀 傾, 簡直不知所謂.
結果其中一個鼓起勇氣去問 🐀 可唔可以 special case 比大肚員工 WFH, 答案當然