投訴有門

樣衰囉 !

得到特別行政區政府大力支持, "全力推進新基建, 融合新要素, 激發新動能, 助力提升香港國際信息樞紐地位, 支撐粵港澳大灣區數字經濟蓬勃發展" (新聞稿原文. 我邊有咁好文彩) !  

X 移動用 60 幾億投咗屋企對落, 塊貴絕全港嘅工業地皮, 起座自稱綠色低碳數據中心.

2021 年開始大興土木, 鑿地打樁嘈到拆天, 忍到 2025 年十二月工程終於埋尾, 以為有好日子過, 點知原來係惡夢另一開端 😓

投訴前 . 成棟樓比佢打到光晒

座 PK 數據中心天台啲機組晚晚燈火通明, 啲燈𥋇眼到一個點, 冇誇張, 喺屋裡面真係唔駛開燈到睇到路. 諗住啱啱完工啲人試燈, 點知唔係喎, 成個幾禮拜都係咁 😡😡😡  

嚴重光害都不特止, 天台啲巨型風機同柴油發電機日日嘈到飛起, 啲臭氣熱氣噴晒出嚟, 搞到連開窗唞氣都唔得, 仲話自己乜 7 "實現全生命周期 + AI 綠色節能, 材料, 節水, 能源及大氣保護, 智慧園區, 空間管理及空氣保護六大維度開創綠色「低碳」新生態" (新聞稿原文. CLS 唔知噏乜春), 收皮啦保護, 全部 9 吹 !

住新界都係鍾意靜同空氣清新啫, 估唔到而家會比個數據中心搞成咁, 嬲, 呢吓唔出手都唔係人 ! 

正所謂好漢不吃眼前虧, 個人通常唔會同人當面嘈交, 比較喜歡秋後算帳爆陰毒, 所以今次諗住喺 1823 投訴, 搵政府部門去搞番掂自己啲屎.

講起 1823 我絕對係熟客 😆  啲人成日話 1823 效率低, 唔係喎, 次次投訴完第二日已經致電回覆, 今次都唔例外, 之後仲有 follow-up calls 詳盡交代跟進細節添.   

不過又可能有機會係我覺得嗰位職員處理得幾好, 喺個 1823 app feedback 表揚咗幾句, 所以佢就更加用心跟都唔定.

投訴後 . 回歸正常