 |
| Bills of farewell lunch |
哈哈, 終於等到聽日last day喇!
辭呢份工, 一刻都冇後悔過.
睇番 2012 年上工嗰日寫嘅 blog.
http://shirliek.blogspot.sg/2012/07/blackberry.html
估唔到... 我老闆真係明 "益" 我, 比個氹我踩!
間公司好騎呢, 尤其係巴黎總部上家嗰兩條茂李, 人蠢又冇料到, 拉低晒我呢邊啲水平!
有破壞冇建設, 佢哋一味搞亂檔, 我哋上年都仲可以開到十幾間舖, 都算仁至義盡.
唔止係咁, 臨走仲有不可思議事件發生.
事原我老闆堅持要同我搞 farewell, 但又出唔到公數喎 (因理論上我哋係同一集團唔同公司, 我係B, 佢係LB).
我話不如唔好搞啦, 佢又唔肯, 仲竟然比佢諗到條絕世cheap橋 --- 叫我嗌埋 B公司老板嚟一齊食, 跟住等佢找數!
哇~ B公司老板已經另擇吉日同我 farewell, 點叫人出嚟兩次? 就算人哋 ok, LB 呢邊成十幾人, 人哋點開數呀?
為咗有人比錢, 就夾硬將兩班唔識嘅人坐埋一齊.
End up LB同事寧願自己夾錢, 都唔想同 B公司一齊食, 老闆聽到同事夾錢, 竟然冇異議, 仲叫我最好事先同啲同事 agree 好要夾幾多, 但又冇話自己會夾一份喎, 淨係話屋企好多酒, 會攞啲番嚟 sponsor.
妖佢, 咁 Q cheap!
諗諗吓, 把幾火, 無謂浪費私人時間, 所以反建議 : 叫外賣喺 office 擺 farewell lunch 算數. 點知條 cheap 佬話 lunch 佢唔飲酒個喎.
佢話唔飲, 唔通仲叫佢喺屋企帶 10 支番嚟比我哋劈咩? 最後, 我哋只敢喺 pantry 摷支香檳出嚟 share, 勁冇癮.
好戲在後頭 :
我早一日 order 印度菜 1pm 外賣, 當大家好期待坐定定等食, 12:53 突然收到電話, 問究竟 order 係今日定聽日?!
我話係今日~ NOW~~~~!!!!!
Hold 咗條線 10 分鐘, 條八婆竟然話餐廳可能搞錯咗, 會即刻做, 但要成個鐘先送到. 我叫佢去死, 我唔要喇.
跟住落雨濕濕, 搞到啲女同事立即要跑落街, 百鳥歸巢撲外賣 (與此同時, 男同事們只係坐喺位, 完全冇行動)
男人...... 真係靠得住.
2014 年四月, 應該我係有史以來最有食神嘅一個月. 幾乎隔晚就有大茶飯, 除咗港九新界, 連成都三大私房菜都食勻.
我覺得成都對啲唔食辣嘅人嚟講, 係一個煉獄!
因為嗰度乜都辣, 連早餐都辣. 一到夜晚, 成個城市充斥住陣陣麻辣火鍋味, 勁啃! 記得多年前留咗成都兩個禮拜, 餐餐水煮麻辣, 我咁食得辣, 都頂唔順痾三日. 而家可能好啲, 開咗好多商場酒店, 有多啲唔辣嘅嘢揀.
上週去成都開舖, 一早做定功課, 搵啲好地方吃飯. 因為有人請, 所以目標係貴夾唔飽嘅私房菜.
 |
| 悟園 |
搵食艱難 :
用辦公時間上網, 摷咗好耐都毫無頭絮. 大陸咁大, 剩係成都餐廳都有過萬, 啲簡體字食評又難睇, 我專注力有問題, 每次睇多過三行就集中唔到, 跳格.
最後終於要屈服, 靠蔡瀾.
蔡瀾個 blog 介紹過成都三間私房菜 : 1. <喻家廚房> 2. <玉芝蘭> 同 3. <悟園>.
 |
| 悟園 |
<喻家廚房> 之前食過, 今次試其他兩間. 除此之外, 我哋仲去埋 <寬巷子3號>.
淆底:
冇打算詳細評論食物, 因為我人比較膚淺, 詞彙少, 除咗 "正, 精緻,
 |
| 悟園 |
好味, 有層次, 靚, 有驚喜" 之外, 真係噏唔出其他.
不過我對 <悟園> 確實有啲失望.
啲嘢味道普通, 完全冇特色, 賣相最搞笑, 九唔搭八, 無嗱嗱搵盆沙堆幾粒石春貝殼, 同啲菜式毫無關係.
食完後, 只覺得好飽好飽, 可惜, 冇一度菜值得回味.
 |
| 寬巷子3號 |
 |
| 寬巷子3號 |
反而成日比人話商業化嘅 <寬巷子3號> 仲好啲.
唔只有風味, 起碼用嘅餐具, 都各有特色. [拔絲鳥巢炒鵝肝粒], 拔絲做到個盆咁大, 仲可以撈埋啲鵝肝食. 上菜嗰陣, 個個都不禁 "嘩" 一聲!
如果...... 你以為辣嘢一定要見紅 (辣椒) 同浸晒辣油, 今鑊實癩嘢.
個 [番茄雪耳], 啲雪耳簡直殺人於無形, 用青辣椒汁醃過, 辣到個後尾枕會卜卜跳㗎!
呵呵~~ 令我呢啲冇辣不歡嘅變態狂喜!
 |
| 玉芝蘭 |
 |
| 玉芝蘭 |
<玉芝蘭>
地方如其名, 勁優雅勁低調, 門口連招牌都冇.
喺一條個名好普通, 但問極都冇人識嘅 "長發街" 度.
除咗幾道前菜之外, 完全冇大麻大辣. 佢嘅餸講求刀功, 技巧, 清到冇人有!
個豆腐絲用礦泉水做湯底, 一滴鹽都冇, 成晚對我嚟講, 太清淡喇.
還是覺得你最好 :
試晒四間私房菜, 始終認為 <喻家廚房>
"高"啲, 佢貴但佢能將啲矜貴材料發揮得淋漓盡致.
上星期二放工, 去百街賣嘢, 懶環保唔要膠袋, 左右手各嚦住一樽嘢,
行到出馬路中心, 千鈞一髮, 唔知做乜春, 竟然會成個趴喺度!
跌嗰陣因兩隻手都攞住嘢, 根本冇手撐, 所以係五體投地式 仆塊面落地嗰隻!
好在當時冇車經過, 但就嚇倒旁邊兩個女人驚叫 : "哎呀~~! 佢跌親呀~~!!" 超...... 鬼唔知咩?
佢哋淨係識問我有冇事, 但又唔扶我, 結果我自己爬起身.
好似拍戲咁, 前面咁啱有架的士, 我就好自然咁上咗車. 返到屋企, 發覺人中 (咀同鼻之間) 爆晒光, 隻門牙好痛, 好彩冇甩, 而啲手腳都係擦損同扭親之類. 見唔係特別大鑊, 就食埋啲外賣魚生, 飲番杯先瞓.
第朝起身, 上唇腫到成個鴨咀咁, 即刻喺行李度摷番個諗住去北京用嘅口罩出嚟遮醜, 返到公司人人問我係咪病, 我話仆街仆爛咗個口, 極騎呢. 之後唞咗幾日, 而家冇事lu.
今朝返工, 霎眼見到某男同事右邊面紅咗一笪, 諗住佢比老婆打.
噢, 原來佢尋晚喺又一城冼低撞親, 係 "暴雨異象" 嘅災民!
唔夠十分鐘, 另一同事來電, 話秘書小姐喺公司樓下大堂濕滑嘅雲石地下笪倒, 要十字車送院!
哇, 唔係嘛...... 聽到呢啲, 連鬼佬老闆都打咗個突, 即刻叫咗同事A入房.
事緣同事A前個禮拜搵判頭睇 office 裝修, 啲人唔小心打爛咗會議室個掛牆風水鐘, 之後佢又懶懶閒, 唔去搵人換, 結果而家連環出事,
老闆發爛渣, 要佢即日內搵人換番個鐘!
住嗰度成個屋苑住戶近期都收到一封經郵政處遞派嘅信, 內附冥通銀行 5 千萬陰司紙一張, 及某人同佢老婆嘅相片, 詳細地址, 電話, 電郵, 自訂車牌號碼, 連架車泊喺苑住停車場邊處都寫埋! 叫佢哋欠債還錢.
最恐怖係我八掛, 攞兩個當事人嘅 email address 作網上起底. 哈! 又真係比我挖到啲關於佢哋嘅料喎.
個男嘅鍾意賭馬, 因為喺啲賽馬網上討論區, 有頗多佢嘅發言.
之後又喺 you tube 摷到佢 post上去嘅 videos, 內容都係圍繞一間涉及網上原始股騙局嘅傳銷公司, 執笠之前佢喺度做過.
女嘅就少啲料, 只係喺 you tube 搵到佢個仔同一啲教會嘅片段.
啱啱睇完無線新聞透視 <求職‧求人>, 話香港 <有工無人做>.
訪問兩個 90 後, 有全職唔做, 寧願攞 3000 蚊個月做 part-time 嘅𡃁妹.
其貌不揚, 冇學歷, 冇經驗, 竟然嫌三嫌四, 學人講 life!
一個話接受唔到份工成 10 點先收工, 放工出嚟啲舖頭已經閂晒門, 返到屋企又冇時間煲劇! 另一個, 話只會考慮啲 5 年內會有晉升機會嘅工.
真係 Oh~ my~ 吉!
唔知佢兩位有冇照鏡, 睇吓自己咩料? 完全唔想付出, 就要收穫?
睇到呢啲, 除咗搞到我覺得自己仲好有競爭力之外, 亦令我諗起一個舊相好......
話說當年剛剛畢業出嚟做嘢, 大家係同行, 我際遇好過佢, 佢就成日怨, 話佢際遇差係因為英文唔好. 有次佢又喺度嘈嘈閉, 咁我話 : "既然你覺得英文唔好, 不如讀夜校吖?"
佢反應好大, 殺聲震天 : "返夜校!? 咁我點打牌呀!!"
就喺嗰刻...... 我覺呢個男人, 靠唔住, 冇希望.
踏入十二月, 進入開舖最後倒數, Dec 13 黑色星期五, 開埋中環間舖, 就可以歲晚收爐.
日頭猛做, 夜晚 EYT, 唔係 eat yourself, 係歡樂今宵 entertain yourself tonight. 由上星期日到尋晚, 一連 7 晚夜夜笙歌, 連馬場都入咗兩次, 哈! 比我見到 Cool 魔, 拍照留念.
多晚激戰, 真係想死, 少啲體能都唔掂, 正所謂 ..... 唔蒲唔知身體好.
星期五晚去某 wine society 嘅 annual dinner.
Dress code 係 black tie, 臨渴掘井, 諗住著以前 2006 年買落件 little black dress, 點知條裙穿咗落身, 拉鍊拉到腰就已經再拉唔上! 我諗同 2006 比, 我起碼大咗兩個碼, 唉......
好彩最後比我摷到啲十世前買落, 見得人嘅衫. 終於明白 <養兵千日, 用在一朝> 嘅道理.
去到場地, 似珠寶展, 啲女人個個曬晒冷, 珠寶首飾大大件, 密集式閃爆, 好大壓力! 平時啲兩三卡, 真係要行埋一邊.
我就一卡都冇, 好在咁啱件 top 個領位有好多 details, 乜都唔駛戴. 啲男人就好啦, 打條 bow tie 就得.
當晚主打係 Domaine Leroy 嘅酒 , 每個酒杯都有 labelling, 非常清楚. 而 pairing 嘅食物, 做得十分好味, 賣相精緻.
坐我旁邊有兩個唔識嘅 uncle, 開場白都不約而同問我鍾意飲乜嘢 wine, 我真蠢! 竟然喺一個 Burgundy wine 嘅地頭講我鍾意 champagne 同 Bordeaux 紅酒, 講咗出口, 先猛然醒覺自己喺個乜場合, 完全 politically incorrect.
可幸兩位 uncle 都唔介意, 再傾落去, 得知佢哋係香港出名嘅 wine collectors, 仲話可以幫我入會添. 哇~~ 驚驚! No 喇, 唔好講會費, 得閒叫我攞箱酒出嚟 wine tasting, 佢哋就話 auction 買, 唔通我喺百佳訂咩?!
蔡瀾個樣笑淫淫, 鹹鹹濕濕咁, 撇除雜誌啲鱔稿, 其實佢又真係幾識搵食. 幾次依佢推介, 都食到好嘢.
今次去食成都出名老街 "寬窄巷子" 裡面一間叫 <喻家廚房> 嘅私房菜.
http://hk.apple.nextmedia.com/supplement/columnist/art/20100614/14131151
 |
| 喻家廚房門口 |
 |
| 寬窄巷子 |
間嘢勁低調, 門面連一盞燈都冇, 唔似巷裡頭其他餐廳燈光火着, 好彩同我一齊去嗰個人隻眼好細𥄫到, 如果唔係, 一定大睇過龍 miss 咗.
廚師主理川菜, 冇餐牌. 擇肥而食, 材料要當時得令, presentation 極級精緻, 超有懷石料理 feel, 上每道菜, 都有人講解.
前菜有 <素菜十六小碟> + 辣爆雞頸, 黑蒜, 雞湯.
跟住上嘅小食, 做到成支毛筆咁 (啲毛其實係酥皮包住肉鬆), 十分搞嘢.
最衰同事幾年前去咗 show 過啲相比我睇, 搞到冇晒 surprise.
再嚟就係 16 個熱葷 : 鱷魚肉, 黑松露, 和牛, 鹿茸, 鮑魚, 包翅, 遼參, 燕窩, etc .
雖然細細碟, 但一人一晚食成 32 碟以上 (前菜 + 熱葷) , 實在係好飽! 仲要成世人都未試過一次過食咁多補嘢, 真係有啲怯.
果然, 返酒店瞓成晚醒, 囉囉攣, 太補喇...... 谷爆偈!
