開鑼

年初三, 一年一度開鑼大日子!

出門嗰陣風大雨大, 隻手比少少雨撇親都到凍到震, 諗起班騎師要喺咁凍嘅天氣下濕身騎馬, 啲錢都唔係咁易賺.

中菜廳book 咗枱我第一個到, 有個扮財神嘅人周圍派利是, 但係派完隔離張枱突然繞道, skip 咗我張! 

唔得! 即刻衝出去追佢攞利是!!


打開利是, 中獎, 贏到個24K包金 "一馬當先" 擺設!  呵呵, 主動出擊真係有so.

換獎影沙龍, 顏色十足運程書封面.

睇睇吓現場直播, 發現原來有另一馬仔造型 (右), 仲得意.

記得今年流年風水有個方位可以擺金馬, 速速上網搵吓喺邊先.

在此, 祝各位身體健康, 心想事成, 不勞而穫, 財色兼收!