比港鐵老昆, 以為 MTR 南區線會今年通車. 好多潮流達人同 fashionista , 早幾年驚住執輸, 搬晒去黃竹坑做基地.
哈, 點知工程一再延誤.
黃竹坑, 成個孤島咁, 乜配套都冇! 我返工附近, 只得一千零一個 ATM, 若然部機死咗, 或者比人噤晒啲錢, 咁就大檸樂喇, 直頭要搭車出去香港仔先有.
Lunch 仲大鑊, 餐廳選擇極少, 又貴又唔好食, 啱啱有兩間仲做唔住執埋.
不過咁, 正所謂一雞死, 一雞鳴. 比我哋發現到陳冠希喺佢 office 隔離新開嘅鐵竇, 叫 ElephantGrounds, 地方食物都幾 ok, 希望唔好咁快執啦!
沒有留言:
發佈留言